AGAR BETIYAN NAHI HOTI
492
|   Apr 27, 2017
AGAR BETIYAN NAHI HOTI

Dar lagta hai, dar lagta hai, jab ghar me ek khushi aati hai.Dar lagta hai, dar lagta hai, jab ghar me ek beti aati hai.

Pura ghar uski hasi se khilkhane lagta hai, saara jahaan uski baaton se muskurane lagta hai. 

Wo masoom sa chehra, wo shrarati aankhen. Wo pyaari baatein aur jhooth mooth ki chai pakode. Wo bade hokar har dil pe raj karne ka sapna. Wo bade hokar aasman ki uchaiyoon ko chune ka sapna. Dar lagta hai, in sapno ko badte huye dekhne se. 

Bade bhudhe sach hi kehte they, ek beta hi vansh aage badeyega. Ek beta hi ghar me khushaali layega. 

Bade budhe sach hi kehte they, ek beti bojh hi ban ke reh jayegi. Ek beti ghar ka chirag na ban payegi.

Aaj sabne unki baat mani hoti toh har ghar me beta hota.

Aaj sabne unki baat mani hoti toh har ladki ko paida hone se pehle hi maar diya hota. 

Toh shayad aaj ek aur ladki apne sapne pure karne ki na sochti , ladko ke sath kadam se kadam badhane ki na sochti, chote kapde pehnane ki zarurat na karti, raat me ghar se baahar nikalne ki zarurat na karti.

Ladko se dosti aur pyaar karne ki zarurat na karti, apne pita aur bhai pe vishwas karne ki zarurat na karti, apne pati ko hamsathi manane ki zarurat na karti. Apni hi maa ko apna dost na manti. Apni saas saasur ko maa baap ka darza na deti. 

Agar ladkiyan na hoti, toh ye kisse na hote, ye kahaaniyan na hoti, baatein na hoti, befizool ke taane na hote. Ched-khaani na hoti, balatkaar na hote, ghar ki izzat nelaam na hoti, maa baap ke mu band na hote. 

Sirf bete hote aur ye desh kitna mehfoos hota.! Har aangan suna hota, har gali khamosh hoti. 

Agar betiyaan na hoti, agar beetiyan na hoti. 

Read More

This article was posted in the below categories. Follow them to read similar posts.
LEAVE A COMMENT
Enter Your Email Address to Receive our Most Popular Blog of the Day